SECTIONS
Thursday, February 21, 2019
SUPERBALITA CAGAYAN DE ORO

Balaba gi-endorso ni Duterte

DAKO ang pasalamat ni Girlie Balaba human gi-endorso ug gipataas ang kamot mismo ni Presidente Rodrigo Duterte dihang nibisita kini sa siyudad niadtong Pebrero 5, 2019.

Si Balaba magpapili pagka-konsehal sa siyudad sa Cagayan de Oro.

Ikaduha na kini sa partido ubos ni Mayor Oscar Moreno nga gi-endorso ni Duterte diin una niini mao si Association of Barangay Councils (ABC) president Kagawad Alam Lim.

Samtang sa pagkamayor gi-endorso usab niini si Jose Gabriel “Pompee” La Viña sa Padayon Pilipino ug laing nagpapili nga si Rhona Canoy.

Sa pakighinabi kang Balaba gibutyag niini nga malipayon kini ilabi na nga pangandoy sa mga kandidato ang ma-endorso sa opisyal ilabi na sa presidente.

"Siyempre happy tanan man siguro mi kandidato pangandoy nga ma-endorso ka sa usa ka dako nga opsiyal labi na sa kung Presidente ang mo-endorso sa imoha ,dako gyud akong kalipay nga si President mismo niingon nga ‘akoang i-alsa ang imong kamot’," matud ni Balaba.

Gidugang pa nga nakaila ang presidente kaniya isip reporter kaniadto ug nakita ang trabaho sa dihang anaa pa kini sa siyudad sa Davao.

Gibutyag usab niini nga nasayod si Duterte sa wala pa kini gi-endorso nga ubos kini sa partido ni Moreno ug wala mismo niini madungog gikan sa baba niini nga gi-tag nga "anti-durterte" kini.

"Unless I've heard it from his mouth so far wala man, suportado niya akoang kandidatora, sa akong pagkahibalo dili man gina-consider sa President si Mayor Moreno as anti-duterte," dugang niini.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!