SECTIONS
Sunday, April 21, 2019
SUPERBALITA CAGAYAN DE ORO

Medical certificate gikan sa siyudad dili dawaton sa LTO?

SUTAON sa komitiba sa public utilities human ang mga reklamo sa pagdumili sa pagdawat sa medical certificate nga gikan sa health center sa siyudad diha sa pagkuha og lisensiya sa Land Transportation Office (LTO).

Naghatag og special report si Kagawad Reuben Daba sa komitiba sa social services sa Konseho kalabot niini.

Matud ni Daba nga angayan kining sutaon gumikan kay dako kaayo ang deperensiya nga balayrunon ug nganong dili dawaton sa LTO ang ilang gi-isyu nga unta pareho man kini nga pampubliko nga buhatan.

"Nag-complain sila kay ang bayad sa driver's license P400 kanang medical ang kanang sa ato sa health center P50 ra so dako kaayo ang deperensiya pero dili nila dawaton kay dili nila i-honor kay dili daw accredited," matud ni Daba.

Samtang gibutyag usab ni Kagawad Teodulfo Lao, chairman sa komitiba sa public utilities nga sutaon gyud niini ilabi na nga dako kaayo ang deperensiya sa balayrunon.

"Daghan ra ba kaayo ang reklamo sab ana, atong i-takeup para gud kay mahal raba kaayo na unya sila'y magbuot, hibaw-an man nang fake kay kung pananglitan sa city hospital dili man na mahimong fake kay naa man silyo gawas kung walay silyo," matud ni Lao.

Giduso na kini sa komitiba sa public utilities sa konseho apan ubos usab kini sa health ug social services ilabina nga sa medical certificate man kini.

"Medyo lugar mi nalain kita lugar ang local government, government agency ra biya ta tanan nganong dili dawaton ang ato? Nganong i-honor lang nila ang private?" dugang ni Daba.

Nasayran nga una na nga nagpagawas ang tinugyanan sa LTO diha sa ilang page nga gumikan sa daghang mga peke nga mga medical certificate dili na kini sila gadawat sa dili awtorisado sa ilang buhatan.

"Nganong ma fake man ta nga naa man tay certicate, naa man na'y heading mas credible pa ang ato," dugang ni Daba.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!