SUPERBALITA CAGAYAN DE ORO

Kapitan balik serbisyo human nakagawas sa prisuhan

ADLAWNG lunes, Pebrero 12 pormal nga nagsilbi isip barangay kapitan sa Barangay Patag, lungsod sa Opol si Hermilito Laid.

Si Laid nakapiyansa sa niaging semana sa kaso nga iyang giatubang nga mao ang kasupakan sa Republic Act (RA) 9165 kon Dangerous Drugs Act of 2002 ug paghupot sa eksplosibo.

Incumbent kini nga kapitan kinsa nagpapili niadtong eleksyon sa barangay niadtong Mayo 14 apan Mayo 6, 2018 palang nadakpan kini pinasikad sa search warrant nga giisyu sa 10th Municipal Circuit Trial Court sa Manticao.

Ang 44 anyos nga si Laid nadakpan human nakuhaan og siyam ka pakete sa gituohang shabu ug eksplosibo.

Si Police Chief Inspector Arlyne Ranario, kinsa tigpamaba pa kaniadto sa Misamis Oriental Provincial Police Office nikonsiderar niini nga watchlist sa drug personalities.

Samtang temporaryo pa ang kagawasan niini ug padayon ang kaso sa korte nagbalik serbisyo kini sa barangay tungod kay bisan anaa na kini sa prisuhan midaog kini pagka barangay kapitan niadtong nilabayng eleksyon.

Atol sa pagpakayab sa nasudnong bandila sa Kapitolyo Probinsyal naghurar kini atubangan kang Governor Yevgeny Vincente Emano isip pormal sa iyang pagsugod.

“Niadtong piniliay napasinglan siya nadout sa kaso pero bisan naa sa prisuhan nakadaog, nanumpa siya ug magsugod pagka kapitan,” matud ni Emano.

Gibutyag sab niini nga kalabot sa pagkalambigit niini sa ginadili nga druga iyang girespeto ang kapulisan sa ilang operasyon nga gihimo batok niini niaging tuig.

“I have always respected our men and women in uniform but I would rather not comment anything negative about them but will let the court decide.

On the brighter side ang korte nag ingon pwede siya makapiyansa kay walay nakitang lig-ong ebidensya nga nakita batok sa iya,” matud ni Emano.

Tungod sab kay halos mag usa ka tuig kini sa prisuhan nabentahaan og mga programa alang sa iyang barangay hinungdan nagpasalig si Emano nga malakip kini sa programa sa Barangay Empowerment Program.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph