SECTIONS
Thursday, February 21, 2019
SUPERBALITA CAGAYAN DE ORO

Container van office gitunol sa kapulisan

PORMAL na nga gi-turn over sa Kapitolyo Probinsyal ngadto sa kapulisan ug kasundalohan ang container van nga magamit kon magpahigayon og checkpoint aron adunay mapasilungan ilabina sa kainit sa adlaw ug panahon nga mag-ulan.

Matag usa niini mobalor og P100, 000 nga ihatag sa checkpoint sa Barangay Agusan ning siyudad sa Cagayan de Oro ug laing checkpoint sa Amoros, El Salvador City, Misamis Oriental.

“Ang atong kwerpo sa kapulisan panahon nga mag-ulan dili na mabasa ug panahon nga mag-init dili na mabulad sa adlaw kay dunay duha ka container van nga atong gipahulam kanila,” matud ni Governor Yevgeny Vincente Emano kinsa maoy nangulo sa pagtunol niini ngadto sa Misamis Oriental Provincial Police Office.

Tulo ang maong container van diin ang usa mahimong command center sa Provincial Risk Reduction Management Department.

Sulod sa container van, adunay higdaan ug buhatan nga airconditioned. Dunay insulator nga bisan og grabe ang ka-init dili mainitan ang sulod kay aduna pay plywood.

Aduna sab kini second floor nga pwede sila molantaw sa mga sakyanan ug mga tawo nga moagi sa dalan.

Gibutyag sab ni Emano nga wala kini gihatag kanila kay niingon ang mga sundalo ug kapulisan nga wala pa silay kapasidad nga imintinar kini ug kun ugaling maguba o madaut ang Kapitolyo Probinsyal gihapon maoy magpatul-id niini.

Gikalipay gihapon niini nga aduna nay mga pribadong sector nga nipasalig nga maoy magbayad og kuryente.

Ang kapulisan nagpaabot sab og dakong pasalamat kang Emano tungod sa dako niining concern sa kapulisan.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!