SECTIONS
Sunday, February 17, 2019
SUPERBALITA DAVAO

Editoryal: Boto, dili usikan

SUGOD na pag Martes, Pebrero 12, ang campaign period sa mga kandidato sa national level alang taliabot nga midterm elections sa Mayo 2019.

Nagpasabot nga ang makakampanya lang ning higayona, mao pa ang mga kandidato sa national level.

Kon duna may mga nangampanya nga mga lokal nga kandidato, ilegal kini base sa sumbanan ug balaod sa Commission on Elections (Comelec).

Kay ang campaign period sa local candidates magsugod pa sunod bulan, Marso.

Ang campaign period gitugot sa Comelec aron nga kitang mga botante hatagan og higayon nga makaila ug makakilatis sa mga kandidato nga atong botohan sa taliabot nga bugnong lugaynon.

Angay natong ilhon ang mga kandidato kon kinsa gyud kanila ang angayan nga hatagan nato sa atong gamhanang boto sa Mayo aron nga maoy modala sa renda sa pagpadagan sa atong nasud.

Pinaagi niini, di kita makapili og mga kandidato nga kaugalingon lang ang gilantaw ug di ang kinabag-ang interes sa katawhan.

Angay lang nga atong hatagan sa atong boto kadtong mga kandidato nga sarang kasaligan ug matinud-anon nga moalagad sa katawhan.

Basehan sa atong boto mao ang ipanghikyad unya nilang mga plataporma de gobyerno alang sa kaugmaon sa atong nasud ug sa atong kabataan ug sa umaabot pang henerasyon.

Timan-an nato, nga kitang yanong katawhan maoy gamhanan sa umaabot nga eleksiyon. Busa di nato usikan ang atong boto.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!