Kanhi manggugubat sa MILF, MNLF gihatagan og CLOA

BULUAN, Maguindanao Province -- Gipangunahan ni Pangulong Rodrigo Duterte ang pang-apud-apod og titulo sa yuta o Certificate of Land Ownership Award (CLOA) sa mga mag-uuma nga kasagaran kanhi manggugubat sa Moro Islamic Liberation Front (MILF) ug Moro Islamic Liberation Front (MNLF) sa probinsiya niadtong Lunes.

Ang CLOA kabahin sa Comprehensive Agrarian Reform Program (Carp) o Republic Act No. 6657 ilawom sa Department of Agrarian Reform (DAR).

Mokabat sa 834 ka titulo sa yuta ang gitunol ngadto sa mga benepisyaryo sa municipal gym sa Buluan.

Kauban sa Presidente ang mga opisyal sa lokal nga panggamhanan sa probinsiya nga gipangulohan ni Governor Esmael Mangudadatu.

Uban ni Presidente Duterte mao sila DA Secretary Emmanuel Piñol, DAR Secretary John Ruelo Castriciones, kanhi SAP Bong Go ug ubang opisyal sa kagamhanan.

Samtang nihangyo si Gov. Mangudadatu ngadto sa mga gitagaan og titulo sa yuta nga ugmaron og tarong ang ilang uma, dili ibaligya o kaha i-prenda gumikan makatabang kini og dako sa ilang panginabuhian. (Edgar E. Fuerzas)