SA PAGSUGOD sa campaign period sa mga senators ug mga party-list groups Martes, Pebrero 12, gilayong mihatag sa iyang suporta si founder ug leader sa Philippines-based Restorationist church nga Kingdom of Jesus Christ, The Name Above Every Name, Pastor Apollo Quiboloy sa pipila ka mga senador nga magpapili karong midterm elections sa Mayo 13.
Sabado sa hapon, gilayong miabot sa Tamayong Prayer Mountain sa Calinan, Davao City si Ilocos Norte Governor Imee Marcos sa pagdawat sa pagsuporta sa pag-endorso kaniya ni Pastor Quiboloy.
“Isa itong karangalan at kagalakan na tayo po ay inindorso ni Pastor Apollo C. Quiboloy, kaya walang mapagsidlan ng ating pasasalamat,” sulti ni Gov. Marcos kinsa nagpapili pagka-senador nga nahinabi sa mga tigbalita niadtong Sabado didto sa Tamayong Prayer Mountain.
Nasayran nga sa maong adlaw, laing upat pa ka mga senatorial candidates ang misaka sa Tamayong Prayer Mountain gumikan sa suporta nga gihatag ni Pastor Quiboloy.
Ang nasampit nga mga senador wa una gipagula sa publiko ang mga pangalan, apan giingong dunay usa nga garbo gikan sa Mindanao.
Molungtad ang campaign period sa mga senators ug mga party-list groups, ngadto Mayo 11, 2019 gikan sa pagsugod sa kampanya niini kagahapon, Pebrero 12.
Luyo sa pagsugod sa kampanya, ang Commission on Elections (Comelec) nagpahimangno sa mga kandidato nga mosunod sa tanang regulasyon nga ilang ginapatuman.
Sumala sa Comelec nga walay nasupak nga kalapasan ang mga politiko nga giindorso sa usa ka grupo, gawas nalang kung sila giindorso sa pipila nga anaay kritikal nga posisyon sa gobyerno nga mamahimong makaapekto unya sa interes.
Apan sugod ning mga panahona, daghan na ang mga gipang-indorso. (Jeepy P. Compio)