Dear Atty. Joan,
Ako diay si Jomil. Para sa akoa, sakto kaayo ang patakaran sa balaod nga nag-ingon na ang bata nga nag edad ug kinsi paubos kay walay tulubagong kriminal.
Ang ako lang pangutana kay kung unsa ang mahitabo kung ang usa ka bata nga nag edad og katorse anyos nakapatay og lain na bata?
Salamat
Jomil
Dear Jomil
Sumala sa atong balaod na Juvenile Justice and Welfare Act, ang usa ka bata nga nag-edad og pataas sa dose anyos hantud kinsi anyos nga nakahimo og seryuso na krimen sumala sa pagpatay, pagkidnap o pag-rape kay isipon siya nga usa ka batang pinasagdan og gimandato nga ibutang siya sa usaka ibutang siya sa usa ka youth care facility or “Bahay Pag-asa” gitawag nga Intensive Juvenile Intervention and Support Center (IJISC).
Ang pagbutang sa bata ngadto sa usa ka IJISC o Bahay Pag-asa kay i-asikaso sa local social welfare and development officer sa LGU kung asa nahitabo ang krimen. Ang korte kung asa na file ang pagpacommit sa bata kay ang mung determinar sa kadugayon sa panahon nga ibutang ang bata sa IJISC o Bahay Pag-asa pero di ni dapat maubos og usa ka tuig.
Ang multi-disciplinary team sa IJISC o Bahay Pag-asa kay mung sumiter og case study og progress report og sila sad ang mo-rekomendar sa pagbalik sa bata sa pamilya og komunidad, sila sab ang magsumiter og report kung natuman sab sa ginikanan sa bata ang intervention program. Human ang korte na ang mungdesisyon kung ibalik na ang bata sa iya pamilya o ipadayon ang center-based rehabilitation sa bata.
Kini maoy gihatag sa atong balaod apan gamay ra ang mga LGU nga anaay IJISC o Bahay Pag-asa. Kung anaa man gani, wala kini tarong nga programa sulod sa ilang pasilidad, dili matabangan ang mga bata mag-bag-o. Base pa gani sa datos, kasagaran sa mga pasilidad niini kay mas-bati pa ug kahimtang sa prisohan. Ang mas nakaguol pa gayod kay anaay uban LGU nga tungod kay wala ini nga pasilidad, ipriso ang mga bata sa selda. Kini tanan nahitabo gayod.
Hinaot ma-implementar lang kining balaodranon kay maayo na ang atong kasamtangang bala-od. Dili ang pag-paubos sa edad sa bata ang makasolbad sa atong problema, kung dili ang tarong nga pag-implementar niini.
Hinaot na makatabang kini kanimo ug sa tanang nagbasa. #ChildrenNotCriminals #Not9Not12 #ImplementJJWA
Atty. Joan
Pahibalo: Kini opinyon lamang nga nag-base sa inyong lakbit-saysay ug kini pwede nga mausab kun dugang pa nga mapatin-awan ang mga detalye. Kon adunay pa kamoy mga pangutana nga adunay kalabutan sa katungod sa mga bata, mahimo kamong mo-message sa among Facebook account sa Children’s Legal Bureau, Inc.