Dear Papa Joe,
Tawga lang ko og Ricky, 21 anyos, nagpuyo dinhi lang sa Cebu City. Ang akong uyab nakigbuwag nako kay gamay kuno kog kinatawo. Nainsulto kaayo ko ug sagol kauwaw na sab oy. Mag matter gyud diay ning butanga, Papa Joe, kay feeling nako mao sab ni gibuwagan namo sa akong ex nga iya kong giilisan og laing lalake. Wa man nuon to siya moprangka nakog unsay rason sa iyang pagbuwag nako pero basin og same issue gyud siguro kay maoy akong nadunggan sa uban labina sa akong mga barkadang lalake nga mag matter gyud ang size.
Ang akong uyab karon, iya kong gibuwagan kay naa kuno siyay laing uyab. Pero og akong pangutan-on kinsa, magsige ra mag katawa, mura bag dili tinuod nga naa siyay uyab. Rason lang siguro niya. Nag libog na gyud ko ug down pod kaayo akong pagkatawo. Palihug kog tambag ug tagai nal ang pod kog mga tips or diskarte para ma overcome nako ning akong problema.
RICKY
Dear Ricky,
Mas maayo hinuon nga samtang sayo pa nailhan na nimo ang klase sa pagkababaye sa imong mga nauyab. Sa imong pangutana nga mag matter ba ang size sa pagka lalake? Yes, pwede pero dili tanan panahon kay dag-on pa gihapon na sa true love.
Pangitag babaye nga makadawat nimo og unsa ug kinsa ka. Maminyo man gani nang mga lalake nga dunay deprensiya sa lawas, mga PWD ug uban pa, ikaw pa kaha nga kompleto pa kag body parts.
Kon parte sa diskarte ug tips nga mopilit nimo ang babaye, sayon ra kaayo kon naa kay kwarta. Tagaan nimog house and lot, car, ug pang shopping ang babaye, mopilit gyud na nimo pero dili mana tinuod nga love. Mohupas gihapon na kon wala na kay ikahatag. Pag-ampo sa Ginuo nga makita nimo ang babaye nga modawat nimo.
PAPA JOE
(Sa inyong mga problema ipadala sa papajoesuperb@gmail.com)