SUPERBALITA CEBU

Editoryal: Kampanya na

Editorial Cartoon by John Gilbert Manantan

MAKABUWELO na ang kampanya sa mga kandidato sa nasudnong posisyon. Ang opisyal nga kampanya nga gilatid sa Commission on Election (Comelec) nagsugod na kagahapon, Pebrero 12. Mao kini ang mga kandidato nga mag-ilog sa 12 ka nabakanting lingkoranan sa Senado karong Mayo 13, 2019 nga mid-term election.

Apan sa mga lokal nga posisyon gikan sa mga opisyal sa lungsod, lalawigan ngadto sa representante sa distrito, ang ilang opisyal nga kampanya sa Marso 22 pa.

Kinsa kahay modominar nga partido sa Senado? Oposisyon o mga kandidato sa administrasyon ni Presidente Rodrigo Duterte? Abangan.

Apan importante sa naulahi nga makuha ang mayoriya, lakip sa Ubos Balay-Balauranan, aron mapalabang ang iyang agenda sama sa pagpalusot ang balaud nga mag-usab sa sistema sa kagamhanan sa nasod ngadto sa Pederalismo, pagpadayon sa gubat batok sa ilegal nga druga ug uban pa.

Nunot niini, maayong ilhon nato pag-ayo nga mga kandidato subay sa iyang plata-porma, integridad ug kasinatian. Kawsa nga pabor sa katawhan. Dunay malangkubon nga panglantaw alang sa kalamboan sa nasod.

Sa pikas bahin, dili kita magsalig sa ilang gipangyawyaw sa political rallies ug advertisements. Mahimong tinuod apan dakong posibilidad nga bakak. Mga saad nga naglutaw sa hangin.

Gawas sa pag-ila sa ilang baroganan sa pipila ka nag-unang isyu sama sa druga, pork barrel ug uban pa, laing mabasehan mao ang ilang kasinatian. Kadaghanan kanila namalik sa pagkandidato. Ang ubang bag-ong personalidad sa pulitika seguradong naila sa sektor o industriya diin sila nagagikan.

Ang bugnong-lugaynon maoy panahon nga matuod nga maghari ang lungsod tungod sa ilang pagpaubos sa pagpangayo sa imong balaang boto. Hinaot gawasnon kitang mohukom. Dili mabuta sa silaw sa kuwarta. Dili mahulga.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph