SECTIONS
Tuesday, February 19, 2019
SUPERBALITA CEBU

Rerouting sa Mactan karong Biyernes

POSIBLENG makasugat ug gamayng problema ang ipatuman unyang re-routing sa City Traffic Management System CTMS sa dakbayan sa Lapu-Lapu alang sa kapistahan sa Brgy Mactan karong umaabot Pebrero 15 hangtod 17 adlawng Biyernes hangtod Dominggo.

Kini human masuta nga ang himuon untang diversionary road sa CTMS alang sa PUJ sa Brgy Punta Engaño kasamtangang giayo.

Plano unta sa mga kadagkuan sa CTMS nga adto paagion ang mga PUJ sa Angasil Road inay sa Mactan Proper atol sa kapistahan sa Brgy Mactan aron kalikayan ang paghuot sa dagan sa trapiko sa dapit.

Apan gumikan niini, hayan gikatakdang mabalda ang unang planong re-routing sa CTMS.

Matod ni Mario Napole, ang pangu sa CTMS, nga iya nang gihangyo ang kontraktor sa Angasil Road project nga tiwason ang ilang pag-ayo sa dalan sa Biyernes sa buntag.

Kini aron mahimo na kining maagian sa mga PUJ sa Biyernes sa hapon diin himuon ang procession alang sa kapistahan sa Brgy Mactan.

Gawas sa diversion road nga mao untay agian sa mga PUJ sa Punta Engaño, wala hinuoy nakitang problema si Napole sa paingon sa Maribago ug Marigondon area.

“Once di mahuman mao gyud nay dakong problema nato, depende unya ani sa sitwasyon e-one way nato o e-stop and go” matod ni Napole.

Si Engr Andrew Valencia sa Goldfin Construction ug project engineer sa naayong proyekto, mipasabot nga ilang paninguhaon nga mahuman og semento ang dalan sa Biyernes.

Apan sa pagkakaron mag-agad pa gayud sila nga makuha ang mga tubo sa Metro Cebu Water District MCWD nga gi-montar sa nahisgotang dalan nga posibleng ilang matandog sa padayon nilang pagtrabaho.

Mipasalig hinuon matod pa ang MCWD sa pagdali usab sa ilang pagtrabaho sa ilang mga tubo.

Matod ni Valencia nga kinahanglan nga usbon una ug lubong sa MCWD ang ilang mga tubo sa dapit aron dili usab dili kini matabunan sa ilang pag semento.

“Ang ilang gigamit nga pipes padung sa sub-out gikan sa main is only 1 inch so ilisdan nila ug mas dako unya ikaduha ang ilahang linya pwerti rang mabawa naigo gani na sa among backhoe so amo una nga gilubong karon para di matamakan”.

“Kun ato ning sementoon dayon karon ila nasad ni nga bakbakon madoble ang trabaho” pagpasabot ni Valencia. (GCM)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!