SUPERBALITA CEBU

Usa ray bidder sa parking building

PRIBADONG kompaniya sa konstruksyon nga nagbase sa Barangay Cansojong, dakbayan sa Talisay ang bugtong bidder sa upat ka andana nga parking structure alang sa mga sakyanan sa kagamhanan sa lalawigan sa Sugbo.

Si Provincial General Services Office head Jone Seigfred Sepe, vice chairman sa bids and awards committee (BAC) sa Kapitolyo, nibutyag nga niabot og P83.99 milyones ang gi-bid nga presyo sa Tuanson Construction nga mas gamay og dul-an sa P500,000 kon itandi sa approved budget contract (ABC) sa proyekto nga P84.49 milyones.

Si Sepe nipasabot gipaubos sa post qualification ang Tuanson Construction kay ni-qualify kini ug duna kini legal ug technical nga mga dokumento ug ang iyang financial offer kay ubos sa ABC.

“Pero og naa gani usa sa mga gipang-require nga kulang ka, absent ka, ma-disqualify ka. So, possible wala ma-post qualify,” nagkanayon ang pangu sa PGSO.

Matod ni Sepe, tulo ka bidder ang nisalmot sa pre-bidding apan sa pagbukas sa bidding, bugtong ang Tuanson Construction lang ang nitunga.

Molungtad og pito ka adlaw ang post-qualification ug sa pagkakaron, ang Tuanson Construction lang ang gikonsiderar nga single calculated bidder.

Ang multi-level parking structure dunay 3,342 metro kwadrado nga gross floor area ug moabot sa 96 ka mga sakyanan ang kapasidad. (SCG)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph