SECTIONS
Thursday, February 21, 2019
SUPERBALITA CEBU

ROS di molugak

PAMBATO: Si Gabe Norwood (nagdala og bola) usa sa mga pambato sa PBA Philippine Cup league-leader Rain or Shine Painters. (PBA.PH)

MGA duwa karon

4:30 pm- Alaska batok Blackwater

7:00 pm- Rain or Shine batok Magnolia

Pahugtan og suway sa Rain or Shine Elasto Painters ang ilang paggunit sa liderato sa ilang pagpakigbatok sa Magnolia Ang Pambansang Manok Hotshots sa main game karong gabii sa Philippine Basketball Association (PBA) Philippine Cup sa Mall of Asia Arena sa Pasay City.

Ang Elasto Painters, nga nakaseguro nang daan og luna sa playoff, kasamtangang nag-una sa standing dala ang 6-1 nga rekord.

Sa ilang bahin, ang Hotshots kasamtangang nagkaguliyang ug wala pa kini nakatilaw og daog sulod sa duha ka mga duwa.

Apan kini nagpasabot nga makonsiderar nga grabe ka inilog ang Elasto Painters ning sangkaa.

Dili ikalimod nga naa gihapon sa Hotshots ang puwersa nga nagpahimo kanilang 1st runner-up ning maong komperensya sa miaging season.

Nasayod ang Elasto Painters niini hinungdan nga ilang gipaneguro nga padayon silang mokayod og insakto.

“We must stick together as a team and we must continue playing hard,” matod ni Elasto Painters coach Caloy Garcia.

Gipasabot ni Garcia nga ang Hotshots usa lang gihapon sa labing gikahadlukang puwersa sa liga.

“They became rusty lalo na at kababalik lang nila sa laro. Pero gagaling at gagaling uli yan. Baka magaling na sila uli by the time we play them,” dugang ni Garcia.

Ang Hotshots, kampiyon sa miaging Governor’s Cup, nakasugat og kapildihan batok sa lig-ong mga puwersa sa Talk N’ Text KaTropa ug defending champion San Miguel Beermen.

Malaumon ang Hotshots nga makabawi ra sila ning maong mga pagkapandol sa pagpadayon sa ilang kampanya.

Mao kini ang katapusang duwa una temporaryong undangon sa PBA ang ilang mga kombati aron paghatag og agianan sa Team Pilipinas nga mokombati sa FIBA World Cup Asian qualifiers sa sunod semana.

Sa premirong duwa, magsangka ang Alaska Aces ug Blackwater Elite.

Ang Aces adunay 1-1 nga rekord samtang ang Elite naggunit og 1-5 nga baraha. (ESL)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!