SECTIONS
Sunday, May 26, 2019
SUPERBALITA CEBU

Guiao nakadayeg ni Andray Blatche

MALAUMON si Team Pilipinas coach Yeng Guiao nga nahangop na og insakto ni naturalized player Andray Blatche ang iyang sestima bisan sa kamubo sa panahon nga nag-ensayo kini sa national squad.

Si Blatche sulod lang sa 10 ka mga adlaw nga nag-ensayo sa sestima ni Guiao apan gibuhat niini ang tanan aron makuha niya ang proseso sa dili pa mohamag ang Team Pilipinas sa umaabot nga 6th window sa FIBA World Cup Asian qualifiers.

Gawas sa ensayo sa Team Pilipinas, miapil sab si Blatche sa ensayo sa team ni Guiao sa Philippine Basketball Association (PBA) nga mao ang NLEX Road Warriors.

“Palagay ko nakuha na niya,” matod ni Guiao sa interbyu sa Spin.ph. “Kahit noong pina-practice namin siya with NLEX, he has a very good understanding of the system already. Siya mismo nagsasabi na gusto niya ‘yung sistema and he can get used to it very easily.”

Si Blatche mibiya sa nasod niadtong Lunes alang sa iyang obligasyon sa usa ka team sa China. Makig-uban siya’g apil sa Team Pilipinas kaorng Pebrero 16, ning higayuna ang national squad naa na sa Doha, Qatar.

Sa 6th window, ang Team Pilipinas moasdang sa Qatar national team karong Pebrero 21 dayon sa Kazahkstan karong Pebrero 24.

Gipasabot ni Guiao nga nakadayeg siya sa dedikasyon ni Blatche nga makat-on sa iyang sestima.

“Importante rin na gusto niya. Mas mahirap sa isang tao na turunan ‘yung isang bagay na hindi niya gusto. At least siya, gusto niya. He is making an effort to learn,” pasabot ni Guiao.

Gitataw ni Guiao nga kinahanglang modaog sila sa Qatar ug Kazahkstan, nga maoy katapusan nilang duha ka mga tahas sa qualifiers, aron makabalik og duwa sa World Cup ang Pilipinas.

“We feel very confident that we can get to the World Cup. ‘Yun naman ang objective natin from the beginning. If we win these two games, ‘yun na ‘yun. But if we lose one, mahihirapan na tayo. Importante, dalawa maipanalo natin,” pasabot ni Guiao. (ESL)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!