SUPERBALITA CAGAYAN DE ORO

Super lovestory: ‘Love is not blind’

SI Cheza, taga Cagayan de Oro ug usa ka tinun-an sa fourth year sa kolehiyo sa dakong unibersidad ning siyudad.

Alang niya ug sa walay paghambog, hitsuraan nga babae, taas, puti ug makaingon nalang ang tanan gipangandoy siya nga mauyab sa pila ka lalaki nga mga classmates ug bisan sa skwelahan ug sa gipuy-an.

Apan taken na kini. Taken sa usa ka lalaki nga usa ka construction worker ug adunay deperensya ang iyang usa ka mata.

Ang ginikanan nakabalo kun kinsa ang boyfriend niini ug nakasabot sa iyang gipili.

Si Jerwin, magulang ni Cheza og lima ka tuig, nitug-an nga grabe iyang ka-inlove kang Cheza.

“Gaingon akong mga friends unsay akong nakita niya nga basin og gigayuma lang ko. Apan nakita nako si Jerwin nga maoy makauban nako sa umaabot. Wala koy mahatag nga laing rason nganong gihigugma pag-ayo nako siya,” matud ni Cheza.

“Adunay gaingon basin og nalouy lang ko niya apan dili kini tinuod. Mas gusto nako siya atimanon. Mas gusto nako siya panggaon.”

“I believe that love is not blind, the eyes can see the reality but when you are totally hit by the arrow right through your heart, I believe the beating of the heart matters.”

Nagkaila lamang sila ni Jerwin sa simpleng pagsakay nila sa airconditioned bus. Bisan ug nakatulog siya niadtong tungora wala gyod kini gipakita kaniya nga naibog kaniya o ba kaha gibastos siya. Iya hinuong gikakurat nga gitabunan siya niini sa dala niini nga jacket dihang nakita iyang paa nga maoy tan-awon sab sa atbang nila.

“Didto nako nakita nga naa gyod lalaki nga gentleman ug na touched ko pag-ayo sa iyang gihimo sa akoa,” gibutyag ni Cheza.

Gipadala pa kaniya ang jacket hangtod sa iyang pag-uli hinungdan nga iyang gikuha ang numero niini aron mauli. Nagteksanay ug iyang nabati ang concern niini kaniya. Apan nakita ni Cheza wala gyod kini intensyon nga panguyaban siya. Iyang namatikdan nga insecure kini sa kaugalingon nga siya ra usab naghatag kadasig niini.

Milangtod pa og tulo ka tuig ang ilang friendship usa nila hinay hinay nabati nga inlove sila sa usag-usa.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph