SUPERBALITA CAGAYAN DE ORO

RCB monitoron ang mga motel, hotel karong Valentine’s Day

NAGPAHIMANGNO ang Regulatory and Complaint Board (RCB) ngadto sa mga minyo nga dili na magdala og laing mga babaye sulod sa mga motel atol sa kasaulogan sa Valentine's Day aron malikayan ang kagubot.

Gibutyag ni RCB secretary ug Inspectorate Team Leader Antonio Resma Jr., nga unta kini likayan aron dili kini mamahimong rason sa kagubot labina na kong masapon sulod sa mga balay pahulayan.

"I-remind usab gihapon nato ang atong mga minyo na nga dili na magdala og laing babaye sa inn kay rason nga magkagubot pa ilabi na nga naa na'y mga nasapon dinhi sa siyudad sulod sa Inn lain ang kuyog," pahimangno ni Resma.

Karong adlawa hugot usab ang pag-monitor sa RCB sa mga inn, lodging houses, ug mga resorts nga walay mga menor de edad nga mosulod.

Sa pakighinabi sa SunStar Superbalita kang Resma gibutyag niini nga ilang prayoridad nga malikay ang mga menor de edad nga mabiktima sa mga child trafficking ug prostitusyon.

"Isa gyud na sa priority nato nganong gabuhaton nato ang mga IEC (Information and Education Campaign) kay nakita nato gyud ang problema labaw na aning mga foreigners nga allegedly nga gacommit og child trafficking," matud ni Resma.

Kini ilabi na gyud nga duna na'y nahitabo dinhi sa dakbayan nga susama niining mga pedophile o mga mahilig og mga bata diha sa paglambigit sa pakighilawas.

Gipahimangnoan usab ang mga patigayon sa IEC sa wala pa ang adlaw sa Valentine's day aron nga dili gyud tugotan ang mga menor de edad ilabi na kung dili mga pamilya.

"Ma-warningan ni atong establishments nga dili sila mahimong lugar nga ma commit na siya ang mga ingon ana nga butang, importante ilang kooperasiyon kung naa man galeng mga customer nila nga magdala diha og mga ingon ta minor nga mga pares ila gyud i-check," dugang ni Resma.

Giisyuhan usab ang mga establisyemento og notice of violation kung wala'y mga logbook diin kini dako og matabang unya kong dunay mga reklamo.

Gipasabot usab niini nga dili kontra sa mga negosyante ang RCB ug nanghinaot kini nga wala'y mga menor de edad nga ilang ma-rescue sa mga susama niini nga mga patigayon ug mamahimong nagpatuman sa insaktong gabayan ang mga negosyante.

Andam usab ang tinugyanan sa RCB sa pagdawat og mga reklamo ug sumbong ilabi na kung dunay makitang mga menor de edad ug mga nakauniporme sulod sa mga inn.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph