PIPILA ka mga area of concern karon sa Northern Mindanao ang gimonitor sa Police Regional Office (PRO)-Northern Mindanao, matud sa tigpamaba sa PRO-Northern Mindanao nga si Police Superintendent Surki Serenas.
Lakip sa gibantayan ning umaabot ang eleksyon ang area sa Lanao del Norte, Bukidnon, ug Misamis Oriental.
Ang pipila ka lugar sa Bukidnon nga adunay presensya sa New People’s Army (NPA) ang usa sa ilang gimonitor ug sa Lanao area.
Dugang ni Serenas nga ang lungsod sa Lagonglong sa Misamis Oriental ubos karon sa monitoring labina kun presensya sa walhong grupo ang hisgutan.
Gikumpirmar sab niini nga wala pa nawala sa listahan sa Commission on Election (Comelec) nga ang siyudad sa Cagayan de Oro nalakip sa election hotspot apan naningkamot sila sa kapulisan ug nagpadala og rekomendasyon nga walay angayan kabalak-an dinhi sa siyudad.
Sa pagkakaron nagpaabot pa ang kapulisan sa kumpletong listahan nga validated mismo sa National Headquarters.
“Gina-validate pa nila kun sundon mas daghan pa atong gisubmit ug gakagamay kini atong listahan kay 98 percent gina-validate pod nila nga angayan ba malakip sa areas of concern,” matud ni Serenas.