TANAUAN, Leyte- Usa ka bata ang nalumos, usa ang missng samtang tulo naluwas sa mga bata nga nangaligo sa usa ka resort ning lungsod alas 12:40 sa udto, Dominggo, Pebrero 10, 2019.
Base sa report sa Municipal Disaster Risk Reduction Management Office (MDRRMO) sa Tanauan, usa ang patay, tulo ang nasalbar ug usa ang missing.
Giila ang namatay nga si Shanley Mae Panzo, 15, taga Sta. Fe, Leyte.
Ang nangaluwas mao sila Angel Caeyas, 8, taga Sta. Fe, Leyte ug laing duha ka mga kauban samtang ang missing mao si Jessa Mae De Paz, 15.
Dugang sa MDRRMO, nakadawat sila og tawag nga dunay nalumos sa Caunte Resort sa Barangay Bislig sa maong lungsod.
Dali nga miresponde ang rescue team nga gilangkoban sa Tanauan MDRRMO, Tanauan Police, mga opisyal sa Bislig ug community volunteers.
Dali nga gidala sa duol nga tambalanan si Panzo diin gideklarar nga dead on arrival.
Gi-refer naman sa Eastern Visayas Regional Medical Center (EVRMC) si Caeyas diin siya nasalbar ug giobserbaran.
Nipaabot og burial assistance ang lokal nga kagamhanan ngadto sa pamilya Panzo.
Padayon naman ang gihimong search and retrieval operation sa missing.