SA AKONG panukiduki sa ka internet, usa sa akong nasudlan mao ang Davao Food Guide diin didto nako nakita kining mga “Romantic Secret Place” nga perfect kaayo karong adlawa di lamang sa mag-partner kun di lakip na sa tibuok pamilya.
Kung Valentine’s Day, perfect kaayo nga sa lamisa dunay kandila, ang lugar daw pribado, romantic ug anaa ang kahilom. But, of course, ang place maayo sab sa mga higala ug family who want to enjoy good food and private bonding moments too.
Ani ang pipila lamang ka restawran nga perfect karong adlawa sa date ug di lang karon puwede sab sa laing mga adlaw.
Cafe Aseya sa Hotel Tropika, Lanang
Kung gabii, mas mabati pa nimo ang kanindot sa dapit uban sa nature nga daw naa ka sa kalasangan. Siyempre sa mga lamian nga foods sa laing nasud diri mo matilawan sama sa Sukiyaki, Kamameshi Rice, ug daghan pa.
Vistaview Resto
Didto kini sa Hilltop, nga makita ang tibuok Davao City, nindot kaayo sa gabii.
Jack's Ridge
Ang maong restawran didto kini sa Shrine Hills, diin sa hulagway mao ang Taklobo's restaurant outdoor seating nga makita sab ang tibuok Davao, perfect sab kay overlooking.
Outback Grill
Patok sa mag-pamilya ang Outback Grill nga nahimutang sa El Rio, Bacaca Road, diin maka-amaze ang architectural design niini kay naay naugsok nga eroplano. Lami sab kaayo ang mga putahe ngari labi na ang ilang seafood’s grill.