NAGPAHIMANGNO ang kapulisan sa Davao Region nga di sila magduha-duha nga pangposasan ang mga lalaki nga modala og menor de edad sud sa motel, lodging inn ug mga hotel karong adlawa, Valentine's Day.
Sumala ni Chief Inspector Jason Baria, Police Regional Office (PRO)-Davao spokesperson, nga mohimo sila og pagpanubay sa tibuok rehiyon uban sa Women and Children’s Protection Desk (WCPD) aron masanta ang pagdala sa mga menor de edad sud sa mga lodging inn.
“Hindi natin alam na may mga magnanasa d'yan na magdala ng mga minors sa mga motel, lodging inn, at mga hotel na iba ang motives, so, from that, subaybayan natin sila, sa labas palang tinatanong na natin sila, at kung may violation, huhulihin talaga natin,” ingon ni PCI Baria sa pakighinabi sa mga tigbalita.
Gidugang sa opisyal nga daan nang nasayod ang mga front desks sa hotel, lodging inn ug mga motels labot sa “issue on minors.”
Makasulod lamang ang mga menor de edad sa mga nahisgutan nga balay pahuwayan kung mga ginikanan ug uban pang kabanay ang ilang kauban.
“Valentine’s Day, marami ang papasok sa mga ganyan, at ‘yun ang binibigyan natin ng pansin ngayon na kailangan hindi ito mangyayari na kung saan mga minors yung involve,” dugang ni PCI Baria.
Sa kasamtangan, nangbantay ang mga pulis sa palibot sa mga lodging inn, hotels ug mga motel aron malikayan ang maong insidente.