SUPERBALITA CAGAYAN DE ORO

Valentine's Special: Love has no gender!

SA PANAHON karon daghan na ang mga nagkarelasiyon nga susama ang gender apan pipila gihapon ang duna'y isyu ug dili makadawat nga ang tinuod nga gugma wala'y gipili.

Love comes in all forms, love has no labels, no matter what gender, age, race, Love is Love!

Kini sama na lamang sa paghigugmaay nila Spongebabe ug Cheelove (pulos mga alyas nga ngalan), pulos 26 anyos, residente sa Butuan City apan kasamtangang ania sa siyudad sa Cagayan de Oro niadto pang tuig 2008 bulan sa Agusto.

Sila usa na ka dekada nga naghigugmaay bisan pa man kong pulos sila mga babaye.

Una silang nagka-ila sa videokihan kauban ang ilang mga mutual friends ug kauban pa ni Spongebabe ang iyang uyab niadtong higayona.

Ang maong panag-ila nasundan sa pagbayloay og mga text message.

Nanglabay ang panahon nagkasuod silang duha ug nagpdayag sa ilang gibati ug kini ang gisungdanan sa tanan.

Swerte ug blessed

Kini ang paghulagway ni Spongebabe ngadto sa kasamtangan ug dugay na nga karelasiyon niini.

Sa una, nahunahuna ni Spongebabe nga dili angay ang ilang relasyon apan sa mga paningkamot nga nakiya sa hinigugma nausab ang iyang panglantaw ug karon nakaingon siya nga kini ang iyang buot makauban sa tibuok kinabuhi.

“Then ako before sa di pa ing-ani ka dugay among relasyon makasulte baya ko nga dili dapat siya pero makita man gud nako iyang effort then ug unsa siya ka boutan nga pagka tao mao makaingon gyud ko sa akong self nga okay nako nga siya akong makauban hantud hantud! Ang baby daghan naman gud paagi ron! We can have it soon," pahayag niini.

Gidugang pa nga ang nakapalig-on sa ilang relasiyon mao nga ang pagkakuntento sa usag-usa, pagsalig ug labaw sa tanan nga himuong sentro ang Ginoo.

Sulod sa napulo ka tuig ug lima ka bulan nga relasyon wala sukad nag-away ang duha nga naglambigit sa third party ug wala nila gibinuangan ang usag-usa.

“I’m blessed kay si Cheelove ang tao nga grabe ka buotan, kugihan ug duol kaayo sa iyang pamilya, molihok gyud na sa ilaha, mo-laba, moluto, all in one hasta sa amoang gamay nga business ron hands on kaayo siya,” matud ni Spongebabe.

Giingong ang panag-away mao man ang lamas sa kinabuhi apan kinahanglan lamang nga dili magdinapatay.

“Maskin ikaw pa ang babae sa inyong babae duha dapat make an effort pud uy di effort nga palitan nimu siya og eroplano or unsa ba but effort nga time to time gina kumusta nimu siya para ma feel pud niya nga ga care ka maskan pag pila namu ka tuig, communication is a key to success,” tambag niini.

Gi-angkon ni Spongebabe nga dako kaayo ug tinud-anay ang gugma nilang duha ilabi na usab nga pareho sila nga susamang first love ug gikonsidera nga una ug kataposang hinigugma ang usag-usa.

Ang kabuotan ni Cheelove, pagkamanggihatagon, duol sa pamilya ug maayong batasan labi na ang kalimpyada ug kahumot ang grabe nga nakapasamot sa pagbati ni Spongebabe ngadto na kang Cheelove.

Gani alang niini memorable ang tanan alang kaniya ilabi na nga silang duha ang kanunay nga gakuyog sa mga bag-ong dapit nga maadtoan.

Gi-angkon usab niini nga dili malikayan ilabi na niadtong anaa pa sa kolehiyo nga anaa gyud ang mga deskriminasiyon ilabi na nga pulos kini sila babaye apan ila lamang kini nga gikataw-an ug wala gihatagan og pagtagad gumikan alang kanila importante nga nagmalipayon sila sa ilang relasiyon.

“Na-accept man gani sa among pamilya ug unsa mi so tahay sila mag paka aron ingnon nga kaila sa amoa then isa pa kaila ug kabalo mi unsa among relasyon then mao deadma lang gyud mi kay we have true friends nga dawat ug unsa mi ug unsay naa sa amoa then saksi pud sila ug unsa ka colorful among relasyon mao ng di sila matingala ug deadma ra gyud mi anang mga chikabils kay mga gahi baya mi, as long as we have each others back happy na kaayo mi,” dugang niini.

Karong dunay negusyo ang duha nga balutan ug fried chicken diin mismong si Cheelove ang nagbantay niini.

Malipayon usab ang duuha sa ilang long term relationship diin gani sunod tuig duna'y plano nga mag-abroad aron nga makapangandam alang sa ilang pamilya.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph