ORMOC City - Nagpahigayon og usa ka tree planting activity ang Department of Public Works and Highways - 4th Leyte Engineering District (DPWH-4th LED).
Ang maong tree planting activity gihimo daplin sa ilang proyekto nga Albuera - Burauen road. Kapin sa 200 ka hardwood seedlings ang gipangtanom sa mga kawani sa maong ahensya taliwala sa kabaga sa yamog.
Matod ni District Engineer Lino Gonzales, buot nila nga mo ayuda sa ubang sektor niining dakong problema sa climate change. “With these seedlings, Leyte 4th DEO aims to reinforce reforestation.”
“We believe that there is still hope for our nature in this simple tree planting activity,” matod ni Gonzales.
Dugang ni Gonzales, kung magtinabangay lang ang tanan, maluwas pa ang kalikupan ug mamahimong hamugaway kini puy-an. Ang maong aktibidad gitawag og “Plant a Tree Now, Plant Hope for the Future”.
Matod ni Gonzales, daghan pa nga mga aktibidad ang ilang pagahimuon maylabot sa pagpanalipud sa kalikupan. (PR)