MGA 150 gilaumang modagan sa Mindanao Blue Knights Track League Season 5 sa Pebrero 22 hangtud 25 sa Mindanao Civic Center sa Tubod, Lanao del Norte.
Ang tigpasiugda nga si Airnel Abarra sa Ateneo de Davao University athletics office nagbutyag niini atol sa Davao Sportswriters Association (DSA) Forum didto sa The Annex of SM City Davao Biyernes, Pebrero 15.
“Everything is already set for the event. Aside from the track league, there will be free workshops and athletes and coaches forum. A dormitory is provided within the MCC courtesy of Governor Imelda “Angging” Quibranza-Dimaporo,” butyag ni Abarra.
Gipasalig sa lokal nga kagamhanan ang seguridad sa mga mosalmot sa lumba dagan, sumala pa niya.
Samtang usa ka donor nga nanag-iya og paktorya sa sapatos sa Valenzuela nidonar og 150 pares sa sapatos alang sa mga mosalmot ug mga mananaug.
Mga delegado magagikan sa Miriam College sa Quezon City ug San Pedro Poveda Colege sa Pasig City apil na gikan sa Ateneo de Davao University, Kidapawan City, Misamis Oriental Comprehensive National High School, Xavier University, Isabela City sa Basilan, Lanao del Norte, Davao Oriental State College of Science ug Technology and Mati City.