ANG pagpanalipod sa demokrasya maoy rason sa mga sakop sa Armed Forces of the Philippines (AFP) sa paggukod sa mga gidudahang komunista.

Ang nakaapan lang kay kining mga opisyal mismo sa AFP di man sab motuman sa balaod ug proseso sa hustisya ubos sa demokrasya.

For updates from around the country, follow Sun.Star on Twitter

Kay ngano man tawn nga di motuman ang AFP sa writ of habeas corpus nga gimando sa korte?

Di sab lisod tuohan nga tinuod kining rek-lamo sa mga babaye nga health worker nga sila mismo gimolestiya sa mga sundalo nga nag-bantay kanila gawas pa sa tortyor.

Nagtuo ko nga mao kini ang hinungdan nganong nahadlok ang AFP nga ipakita ang mga dinakpan ngato sa korte.

Angayang timan-an niining mga kadagkuan sa AFP nga tigpanalipod sila sa katawhan ug di tigdagmal.

Hinuon, posible lang sab nga ang angayang bitayon niining paglapas sa tawhanong katungod mao ang mga junior offi-cer nga nagbuot-buot.

Kon mao man gani, angayang ipakita sa mga kadagkuan sa armadong kusog nga motuman sila sa balaod ug mosilot sa ilang mga tawo nga nakalapas niini labi na kon ang kalapasan nag-lambigit og tawhanong katungod.

JOAVAN

Sobra ang pagma-hal ni Mayor Soc Fernandez sa iyang sinagop nga si Joavan ug makita nato kini sa iyang paglubag sa kamatuoran aron lang kini makalingkawas sa mga bulilya-so.

Tuod man, makapa-ngutana kita kon giunsa gyud kaha ni Brod Soc pagpadako kining bataa.

Isip Catholic Faith De-fender, nasilsil na unta ang mga Christian values kang Joavan.

Apan samtang nagka-dako, nagka-abusado man hinuon kining pinangga ni Soc.

Nagtuo pa nga siya ang tag-iya sa Syudad sa Talisay kay lagi anak sa mayor.

Bisan pa man, nilihok na sab ang guardian angel ni Joavan kay niatras na sab ang mga biktima.

Wa makasabot ki-ning impluwensyal nga guardian angel nga si Joavan siguradong moga-ra ug moabuso samtang wa pa ma-rehab.

AD NI VILLAR

Unsa kahay tinuod niini?

Ang pahibawo sa mga commercial ug ads ni Sen. Manny Villar nga kini gibayran sa Friends of Manny Villar?

O kini bang gipama-hayag ni Villar sa usa ka debate nga ang kwarta nga gigasto iyang kauga-lingon?

Di man sab mahimo nga ang duha tinuod.

POMERANZ

TIguwang na si David Pomeranz sa iyang labing ulahing concert kuyog kang Zsa-Zsa Padilla sa miaging Pebrero 13, 2010 didto sa Cebu City Water-front Hotel.

Apan way pagkatigu-wang ang iyang tingog nga maoy sikat kaniad-tong batan-on pa ko.

Lalim bay ikadaghan ko nitan-aw sa pelikulang “Zapped” niadtong tungora. Mao kini ang salida diin soundtrack apil kining “Got to believe in magic” ug ang “King and Queen of Hearts.”

Salamat Don Gon-zales ug sa imong mga kaubanan sa pagdala ni David Pomeranz sa Sug-bo.