GIPANGHATAG na ngadto sa mga barangay tanod sa siyam ka barangay sa siyudad sa Sugbo ang ilang honoraria sulod sa buwan nga Nobiyembre ug Disyembre sa miaging tuig, kagahapong adlawa, Pebrero 15.
Kini human wa matagai ang maong mga barangay tanod sa ilang honorarium sa miagi nga distribusyon.
Ang gitumbok nga mga barangay mao ang Babag, Mabini, Polacion Pardo, Bonbon, Buot, Kamputhaw, Luz, Pahina Central ug Toong.
Giklaro sab ni Garry Lao, hepe sa ity Office for Substance Abuse Prevention (Cosap) nga wa pa sila mihatag sa Enero ning tuiga nga honorarium tungod aduna pa lang 36 ka mga barangay ang ning-submit sa ilang mga reports.
“Sa January wala pa because bag-ohay paman sad sila nag submit sa ilahang reports, wala pa na release,” matod ni Lao. (Kiziah Marie T. Suello, USJ-R Intern)