SECTIONS
Saturday, May 25, 2019
SUPERBALITA CEBU

Binghay: Hapit na ang balaud alang sa diborsyo

Kukabildo

GIPASAKA na sa Upper Chamber sa Senado ni Senadora Risa Hontiveros ang bill nga ‘absolute divorce’ nga nailhan sab sa tawag nga ‘Divorce Act of 2018’.

Kung kini mapasar, ang magtiayon makaduso na og legal nga separasyon kung ang panag-ipon o panagpuyo mo aslom na labi pa kung dunay pisikal nga pagpang-abuso nga nahitabo.

Daghan na sa gihimong pagtuon ang mipakita nga ang diborsyo dako og matabang labi na sa mga biktima nga dugay nang nag-antos og nag-agwanta sa balikbalik nga mga pang-abuso batok sa ilang pagkatawo, pagbaliwala sa ilang katungod og pagpuyo nga puno sa kasakit og kaguol tungod kay way tukmang balaod sama ini nga ilang kadangpan.

Kining maong bag-ong gipanday nga balaod makatabang pagpabalik sa kalagsik sa panglawas sa mga asawa para maka-sugod og bagong kinabuhi. Makatabang sab kini sa mga bata kay malikayan naman ang mismong pagtan-aw sa pagdagmal ug kanunay nga panagbangi sa mga ginikanan.

Puno ni Hontiveros lakip sa basihan ang di mabangbang nga away, di magkasinabot og way pagka-uli sa buot tungod sa problema sa kaminyuuon (irreconcilable difference), pinugos nga pakighilwas (marital rape), psychological incapacity sa asawa o bana, og taas nga panahon sa panagbuwag (sobra 5 na ka tuig) ang mga basihan sa pagsang-at in inga kaso.

Apan kining maong balaod, kung unya mapasar, dunay silot niadtong mamakak, magbinuang og magsabot nga magbuhat-buhat lang sitwasyon aron malibre sa obligasyon sa kaminyuon. Ang mamatud-an nga naghimo ini pagamultahan og P200 mil ug silot nga 5 ka tuig nga pagka bilanggo.

Kahinumdoman, kini nga balaod gipapasar ni Magbabalaod og kanhing Speaker sa kongreso, Pantaleon Alvarez, niadtong Marso sa tuig 2018 unya napasar human sa 3 ka basa sa kongreso nga naghatag og kagawasan sa kaminyuon pina-agi sa diborsyo ug pagkawala sa bisa sa kamiyuon.

Kita na lang sa tibuok Asya ang nasod nga Katoliko og hangtyod karon kita ra sab ang nasod nga walay deborsyo.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!