KARON nga nabakantehan og gamay ang young actress nga si Glaiza de Castro after sa sunud-sunod nga taping sa mga serye, may higayon na sab siyang molaag-laag.

Chika sab nga sa maong laag-laag, nakahigayon na sa pagpangauyab ang young actor nga si Carlo Aquino ngadto kaniya.

Sey pa nga kanunay daw nga makita nga ga-date sila si Glaiza ug Carlo apan may chaperon sab nga kauban.

Sumala pa nga best friend ni Carlo ang manghud ni Glaiza nga si Alcris.

Apan bisan pa man nga barkadahan ang nangunang tuyo sa ilang paggawas, makalusot sab daw ni Carlo sa pagpadayag sa iyang gibati ngadto kang Glaiza.

Kahinumduman nga uwahing nadungog (ug na-confirm) nga uyab ni Carlo mao pa si Angelica Panganiban.

Dihang nagbuwag sila, na-chismis nga nauyab niini si Maja apan wa'y kumpirmasyon.

Karon, si Glaiza na sab ang gibirig-birigan sa aktor.

Miangkon si Glaiza nga pilian siya sa mga lalaki. At 20 years old, wala pa kini makaagi og uyab-uyab.