TULO ka mga tawo ang gipamatay sa managlahing dapit sa lalawigan sa Sugbo.
Usa na niini namatay sa kulata.
Ang unang gipatay nahitabo sa barangay Poblacion, siyudad sa Danao.
Giila ang namatay nga si Jade Giangan, hingkod ang panuigon, ug taga barangay Poblacion.
Matod pa, ang biktima nagkuyog sa iyang mga higala niadtong Domingo sa dihang gipusil sa wala mailhing tawo.
Hinungdan sa pagka-igo sa ulo unang gidala sa Danao District Hospital, apan gibalhin sa tambalanan sa dakbayan sa Sugbo diin siya nabugtoan sa kinabuhi.
Paglabay sa pipila ka oras usa ka Reynan Baton ang bulontaryong nitahan sa iyang kaugalingon ug niangkon nga siya ang responsabli.
Si SPO4 Edgar Gomez niingon nga basi sa ilang imbestigasyon suya maoy motibo sa kremin.
Ang ika-duhang insidenti nahitabo sa sityo Bar-raca, barangay Poblacion-2, siyudad sa Carcar.
Sigun sa report, pasado alas 3:00 sa kadlawon niadtong Lunes, usa ka Hilarion Llanos, 36 anyos, ulitawo ang giingong gipusil sa wala mailhing tawo samtang natulog gawas sa iyang balay.
Ang biktima naigo sa iyang agtang daling gidala sa Carcar District Hospital, apan nakabsan sa iyang kinabuhi.
Samtang didto sa siyudad sa Toledo, usa ka Alberto Alemento, 55 anyos, taga Cantabaco ang nakit-ang wala nay kinabuhi diha sa karsada.
Basi sa imbestigasyon sa kapulisan ang biktima adunay daghang bun-og sa lawas ug gituohang namatay kini sa kulata. Ang kapulisan nihimo pag-pakisusi aron mailhan ang mga responsbali ug matino ang motibo sa kremin. (DRT)