DEAR Noy Kulas,
Nag-email ko nimo kay wa na ko mahibawo unsay akong buhaton.
Just call me Someone In the Dark.My problem is all about my feelings and identity. I’m a man, 21 years old from Toledo city.
My problem is like this. Before, Noy Kulas, maldituhon ko apan serious ko sa study pud baya. One day nay nakig-text nako ang usa ka gay. I replied pud baya until nagkauyab me. Two years ming nagkauyab. Sa among second anniversary, ni-ask siyang adto mi sa Bohol. Mao to didto mi human ko naka-save alang sa among bakasyon. Didto ko nakatug sa ilaha.
Masakiton siya. Nianang pagkabuntag, wa na siya makamata pa kay namatay na man siya. Until now nagsige pa kog huna-huna niya.
Ning bag-o, naglibog ko kay duna na sab koy nagustohan nga bisexual. Usa siya ka choreographer nga taga Negros. Nakagusto na ko niya og maayo ug taudtaud ko na ning gidala.
Magsige lang kog tan-aw niya. Nakakita kog way nga maka-text siya.
Magselos ko bisan di mi uyab kay naa may nakig-textmate niya.
Ako siyang pinangga. Wa pa mi magkita niya in person kay mauwaw pa man ko niya. Ako siyang giingnan nga magpakita ko niya in time. Please tambagi ko, Noy, unsay angay nakong buhaton.
Please tambagi ko, Noy, unsay angay kong buhaton. Why man magselos ko niya ug masakitan ko nga same sex ra man unta mi?
Love na ba kaha nako siya?
MAN IN THE DARK
Man In the Dark,
Maayong adlaw kanimo ug sa tanan pang kalakin-ang naglibog sab sa ilang mga estado, unsa ba sila, lalake ba o babaye. Casual na man kaayo rong lalake versus lalake ug babaye versus babaye.
Pulos gud di bayot o tomboy apan open sa sex sa same gender.
Mangutana ka sa mga driver sa taxi, naa gyud sila anang mga estoryaha. Diha lay nagbarog ko gawas sa City Health Dept. kay naa koy gikuhang document sa City Registrar, ang taxi maoy paggawas sa motel, pulos mga lalake ang sakay. Menor pa tawn ang lalake.
Di na sab ikahibung nga lain na ang imong taste, sa same sex na kay nakigrelasyon ka man og gay. Nahimo ka na sab nga pareho niya. And your case is not alone kay kumon ra gyud kaayo na.
Naa bitaw callboy sa una nga negusyante na nga nabayot kay sa iyang pagka callboy daghan siyag nakarelasyon nga bayot.
Mao sab ni ang kasinatian sa among usa ka kauban nga nabayot human makigrelasyon ug nakigpuyo og bayot. Matod niya nga di siya bayot kaniadto ug gani, at the age of 12, duna na siyay sexual relation sa usa ka babaye. Diha na siya nabayot human makaila ug mauyab ang iyang live in partner.
That explains nganong naingon ana na sab ka. Kanang imoha na-develop na nga feeling. But depende sab na kon unsay resulta sa umaabot kon magkaila na gyud ug magkarelasyon. Basin niana maklaro na gyud nga gugma nang imoha alang niya.
NOY KULAS