TANANG hepe kapulisan sa lalawigan sa Sugbo gimandoan sa pangulo sa Cebu Provincial Police Office sa pagtabang sa pagpangita sa mga suspek sa pagpusil patay sa magtutudlo sa lungsod sa Argao, Sugbo.

Una niini, usa ka Romeo Duran gipusil patay sulod sa iyang classroom sa Binlod Elementary School sa brgy. Binlod sa miaging semana.

For updates from around the country, follow Sun.Star on Twitter

Niadtong Martes gipresentar na sa kapulisan ang drayber sa motorsiklo nga si Joel Alforque samtang gawasnon pa hangtod karon ang laing mga suspek nga sila si Jeffy Cavan, Arnel Cabungcal, ug Marcelo Navarez.

Si Digal nimando sa iyang mga hepe sa pagtabang sa pagpangita sa mga responsabli sanglit dako ang ilang pagtuo nga wa pa kini makabiya dinhi sa Sugbo.

Samtang gusto usab ni Digal nga masusi kon unsay nagpaluyong motibo sa kremin.

Matod niya nga ila na karong gipakatap sa tanang mga police station ang hulagway sa mga responsbali.

Gani naay team nga ilang gitukod karon nga nagpadayon na sa ilang operation aron masikop ang mga responsabli. (DRT)