SAYIS-anyos nga batang lalake ang gi-target og kutsilyo ug gidunggab sa usa ka babayeng gisabaan sa pagsige og syagit alas 5:00 pasado sa hapon miaging adlaw didto sa sityo Lahara, Lagtang, Talisay City.

Nalandig sa Vicente Sotto Memorial Medical Center ang biktima nga si Junior (Mark Lester Restauro), tinuod ngalan gitago human makaangkon og samad dinunggaban sa iyang bukobuko.

For updates from around the country, follow Sun.Star on Twitter

Gitumbok nga nidunggab sa biktima mao ang usa ka Nena (tinuod ngalan gitago sab),30, dalaga nga lumolupyo sa maong dapit ug gituohan nga dunay depirensya sa panghunahuna.

Giingong gisabaan ang suspek sa pagsige og syagit sa biktima samtang nagduwa hinungdan nga nanunggab kini.

Gidakop sa mga pulis ang suspek ug gitanggong.

Apan mga priso sa detention cell sa police sub-station sa Talisay wa makatug tungod kay ang suspek nagsige og syagit bisan og lawom nang gabii.

Ang hinigugma sa suspek nagdala sa ilang lima pa ka buwan nga bata aron patotoyon ug gipaawas ang inahan sa prisuhan.

Apan dihang gisud na og balik nagsige na kini og syagit nga nakapahibong sa mga tawo gawas sa prisuhan .

Mga priso nangreklamo nga nahasol gyud sila pag-ayo sa pagsige og syagit sa suspek nga morag giihaw.