HIGH Value Target ug iyang kauban ang nasikop sa gihimong buy-bust operation sa mga sakop sa station 10 sa Cebu City Police Office nga gipangulohan ni Police Chief Insp. Keith Allen Andaya sa A. Lopez St., Barangay Labangon, dakbayan sa Sugbo, alas 9 sa buntag, Sabado, Pebrero 16.
Ang mga dinakpan mao silang Jonel Engreso, 19, nga mao'y target sa buy-bust operation nga taga Arellano street, Silangan dos Barangay Tejero sa syudad sa Sugbo ug Janjan Malabay Dela Torre, 33, taga R. Palma St., Barangay San Roque, dakbayan sa Sugbo.
Nakuha gikan kang Engreso ang tulo ka gagmay ug duha ka dagko nga pakete sa gituohang shabu samtang kang Dela Torre, usa ka medium size nga pakete nga motimbang ang tanan sa 55 gramos nga mobalor sa P374,000.