DUHA ka pinasahi nga kasaulogan sa Valentines’s Day ang gipahigayon sa 121 ka mga kooperatiba sa elektrisidad pinaagi sa flag raising sa itom mga bandila ug pagsul-ob og itom.
Kini gipahigayon sa tibuok nasud niadtong adlawng Huwebes, Pebrero 14, aron ipakita ipakita ang ilang pagkondena sa dili patas nga pagtagad sa mga kooperatiba sa elektrisidad ilabi na ni Secretary Alfonso Cusi sa Department of Energy (DOE).
Sa pakighinabi kang Edna Putian-Diango, LLB Nutritional Services Department Manager sa Misamis Oriental-Rural Electric Services Cooperatives, Inc. (Moresco-I) nga pinasahi ang ilang kalihokan.
“Well imagine extra ordinary nag flag raising kami og Huwebes, unya pag flag raising duyog pud sa pagpasaka og itom nga flag, ubos sa Philippine flag, gipasabot lang sa mga empleyado nganong we have to do the flag raising extra ordinary sa Thursday and why Black Valentine,” matud ni Diango.
Ang mensahe sa kalihokan ang pagpaabot ug pagpakita og dakong supak ug pagpakita nga seryuso ang ilang pagkondenar sa gihimo ngadto na ni Cusi ilabi na sa dili patas nga pagtagad ngadto na sa mga kooperatiba.
“Ang pinaka purpose gyud ato is to bring message to the Department of Energy that we are condemning the act of department of energy for the unjust treatment to all electric cooperative in the country likewise especially the recent action of Secretary Cusi on recommending the 17 electric cooperative to cancel their franchise,” dugang niini.
Giingong kini tibuok nasud ang naghimo niini gikan sa Aparri hangtod sa Jolo ug matag Biyernes na nila kini pagahimuon.
“Nationwide, mas worst pa ang uban kay naa pay lungon,as in grabe ang pag dramatized, ang amo kay ang flag,usually done, ubos sa atoang flag naa dayon didto ang among black flag,wear gyud mi og black ang launching sa Valentine’s day every Friday we have to wear black kay among e consider nga black Friday,” dugang niini.
Kini tungod na usab sa girekomendar ni Cusi sa pagkanselar sa mga franchise sa 17 ka mga kooperatiba sa elektrisidad sama sa Abra Electric Cooperative (ABRECO), Pelco III, Omeco, Ormeco, Paleco, Casureco III, Aleco, Maselco, Ficelco, Tiselco, Zamcelco, Daneco, Baselco, Suleco, Tawelco, Magelco, ug Lasureco apan gibakwi kini hinuon dili pa kini kadaugan sa mga kooperatiba gumikan na usab kay dili pa man kini hingpit.
“Iyang gibakwi tungod kay ni re-act man ang atong mga electric cooperative pero wala nagpasabot nga iya na gyud iyang total gibakwi to gani sa iyang press release understudy kung sakto pa siya nga amahan sa electrification,dapat tabangan niya karon pa lugar niya ihatag sa kapitalista human nato napasug-an ang mga kabaranggayan?”dugang niini.
Nasayran nga gani tungod niini nagbaton ang maong kooperatiba og kaugalingong party list aron mao matud kini ang makapanalipod kanila diha sa kongreso.