SI Karla Estrada ang “Queen mother” nga daghan na kaayong naagiang pagsulay apan karon sobrang malipayon.
Kon unsa ka-blockbuster ang career sa iyang anak nga si Daniel Padilla, sobra-sobra sab ka booming ang career sa inahan.
Makita nato matag buntag ang Karla Estrada sa “Magandang Buhay” kauban silang Melai Cantiveros ug Jolina Magdangal. Usahay hurado usab siya sa “Tawag ng Tanghalan” kauban silang Dulce, Rey Valera, Kyla, Karylle, Jed Madela, Eric Santos ug uban pa.
Bag-ohay lang natong nakita ang iyang concert sa telebisyon diin napuno kini sa mga supporters. Katapusan natong nakita sa big screen si Karla sa super box-office nga “Gandararrapido: The Revenger squad” kauban ni Vice Ganda, Pia Wurtzbach ug iyang anak Daniel Padilla.
Karon balik-pelikula na usab ang Karla sa comedy film nga “Familya Blandina” nga hapit na nato makita sa mga sinehan. Makauban niya dinhi silang Negi, Jobert Austria, Chantal Videla, Awra, Heaven Peralejo, Kira Balinger, Lee O’Brian ug Marco Gallo.
Comedy ang pelikula pero daghan kuno kang makuhang pagtulon-an labi na mahitungod sa mga foreigner nga nakigsapalaran sa atong nasud.
Timing kaayo kay usa sa mga bida dinhi ang Fil-Italian nga si Marco Gallo nga nibalik karon sa Pilipinas.
Namahayag ang ulitawo nga mag-focus na kini sa iyang career dinhi ug nasayop lang siya sa iyang kalit-kalit nga desisyon nga nibiya sa Pinas.
Apan usa sab diay sa nahimong rason niya niadto kay na-heartbroken sab kini sa dalaga ni Lucy ug Richard Gomez. Pero karon andam na kini para atubangon ang iyang career ug unya na ang mga love-love. Ay’g saba!
“Angbeki Rocks” akong nakit-an sa Instagram post sa managhigalang Angelica Panganiban, Bela Padilla ug Kim Chiu. Abi nako didto ra kutob ang friendship sa tulo pero sa nagkadugay nagkalawom ang ilang relasyon.
Bisan pa man dili sila permanenteng magkita kay busy sa ilang tagsa-tagsa ka career pero ilang panaghigalaay nagpadayon.
Ang ilang friendship nagsugod niadtong Hulyo tuig 2017 sa dihang nag-gatecrashed sa usa ka birthday party ang Bela ug Kim diin imbitado si Angelica.
Sukad niadto namugna na ang grupo nilang “angbeki”, diin ang common denominator nila sobrang dali rang pakataw-on. Gani, nagpa-tattoo pa sila para simbolo sa ilang friendship, ayg saba!