USA ka ginamit nga condom ang nakuha sud sa tungol sa balyena nga namatay nga napalgan sa baybayon sa Barangay Ilang, Tibungco, Davao City sa milabay nga adlaw.
Pinaagi sa gihimong necropsy procedure sa D’Bone Collector Museum, usa ka ginamit nga condom ang nakuha sud sa tiyan sa usa ka babaye’ng Pygmy Sperm Whale.
Ang maong balyena una nang nakita sa usa ka mananagat diin luya na kini anang gabii, ug iya kining gigiyahan padung sa lawom nga bahin, apan pagka buntag patay na nga midunggo sa baybayon.
Gilayong miresponde ang D’Bone Collector Museum ug gipahigayon ang necropsy procedure aron ma-display ang bukog sa maong balyena.