ANG lungsod sa San Fernando duna nay igong mga magtutudlo nga moserbisyo alang sa eleksyon sa Mayo, matod sa election officer sa lungsod.
Kini human nga 21 sa 25 ka mga magtututudlo sa pampublikong tunghaan nga pasiunang nangatras sa pagserbisyo sa eleksyon sa Mayo niusab sa ilang huna-huna, matod ni San Fernando election officer Renante Angcos.
Karon nga upat na lang ka slots ang butanganan, si Angcos niingon nga gisaaran sila sa upat ka mga magtutudlo sa mga pribadong tunghaan nga moserbisyo sila sa eleksyon sa Mayo.
Matod ni Angcos nga nausab ang huna-huna sa mga magtutudlo human gipaneguro sa kapulisan nga dugang mga pulis ang ipadala sa lungsod.
“For me, the commitment of our bosses from Comelec and PRO 7 was a main factor in convincing them (teachers) to no longer back out from serving as Election Board (EB) members,” sulti ni Angcos sa SunStar Cebu. (JKV sa Sunstar Cebu)