DUHA ang nadakpan sa laing buy bust operation sa Mambaling police station alas 7:30 sa gabii, Pebrero 16, sa sitio Larema, Barangay Mambaling, Dakbayan sa Sugbo.

Ang mga nadakpan giila nga silang Samuel Pastoral Belarmino, 34, taga C.Padilla Street, Barangay Duljo Fatima ug Pamela Gonzales, 43, byuda, taga Sitio Larema, Barangay Mambaling.

Nakuha gikan kang Belarmino ang usa ka medium pack nga maoy gipalit sa pulis nga nagpatuo nga customer ug laing tulo ka large packs.

Nakuha usab gikan kang Gonzales ang usa ka medium pack ug laing tulo ka large packs.

Ang kinatibuk-ang nasakmit nga drugas motimbang og 85 gramos nga mobalor og P578,000.

Ang duha na bilanggo na sa Mambaling police station ug gipaubos na sa imbestigasyon kondiin ikan ang supply sa illegal nga drugas nga nakuha gikan kanila.