GIDUGOK sa katawhan sa Panabo City ug sa kasikbit nga mga dapit ang pinakadako ug pinakalingaw nga konseyerto nga hatud ni Cong. Tonyboy Floirendo Jr. niadtong Valentine’s Day didto sa Panabo City Park and Ground.
Alas 5:30 pa lang sa hapon taas na ang linya pasulod sa ground alang sa libre nga Love Cares Concert diin milingaw mao ang mga local bands sama sa Nairud, Infinity Band, ug ang Naughty Notes.
Apan mas mibibo pa ang konseyerto paggawas ni Ice Seguerra, kinsa mihatag og nindot nga mga musika nga maoy hinungdan sa pagsadya sa katawhan.
Atol sa programa, si Congressman Tonyboy Floirendo mipa-raffle og napulo (10) ka mga mobile phones ug gawas sa cash, daghan pang mga prizes sa maong night long event.
Mokabat kapin kun kulang 5,000 ka mga residente sa Panabo City ug sa mga kasikbit nga dapit ang miduyog sa maong kaugdahan.
Sa mensahe ni Congressman Floirendo, iyang gipasalamatan ang katawhan sa makanunayon niining pagsuporta sa tanang niyang programa; diin mapasalamaton sab mga molupyo sa dapit gumikan ilang nabati ang tinud-anay nga panerbisyo ni Cong. Tonyboy.
Nagmalampuson sab ang programa gumikan sa koordinasyon sa Panabo City Police Office, Philippine Army, Bureau of Fire, Civil Security Unit, barangay tanods, Tadeco security, Panabo City LGU— Panabo Tourism Office, City Administrator, ug sa City Information Office.