MAGSAYSAY, Davao del Sur -- Usa ka lalaking suspek sa kasong “qualified carnapping” ang gisikop sa kapolisan human nagpaguwa og warrant of arrest ang Regional Trial Court (RTC) Branch 18.
Bandang alas 8:00 sa buntag, adlaw'ng Sabado, nasikop ang suspek nga si Maek Cansing, alyas “Pongpong,” 30-anyos, welder nga taga Sitio Salmingcong, Barangay Poblacion.
Sumala ni Chief Inspector Ivan Samoraga, hepe sa kapolisan, nga gipaguwa ni RTC 18 nga si Executive Judge Carmelita Sarno-Davin, ang orden de aresto niadtong Agosto 7, 2009.
Si Samoraga nagbutyag nga nasiplatan nila ang suspek didto sa Purok 21 sa Barangay Poblacion, hinungdan nga daling gisikop.
Ang suspek nakadoket sa criminal case number 186(09) sa maong kaso ug wa'y girekomendang piyansa alang sa temporaryong kagawasan.
Sa kasamtangan, anaa na sa kustudiya sa kapolisan ang dinakpan samtang gihuwat ang mosunod nga mando sa korte. (OBD)