PATAY na nga narekober ang lawas sa usa ka mananagat nga missing niadtong Valentine’s Day sa Barangay Molugan, El Salvador City, Misamis Oriental.
Ang search and recovery operation gihimo sa City Disaster Risk Reduction Management Office (CDRRMO) sa El Salvador City kung diin ang patayng lawas ni Primitivo Montebon, 56, napalgan sa lungsod sa Opol, Misamis Oriental.
Padayon kining gipangita dihang ang sakayan o bangka nga nataob na ang nakita nga naglutaw-lutaw sa dagat.
Mga alas 2:40 sa hapon niadtong Biyernes napalgan iyang patayng lawas sa Barra, lungsod sa Opol ug gidala na iyang patayng lawas sa SOMO funeral Homes sa lungsod sa Alubijid.