SI kanhi Presidente ug karon House Speaker Gloria Macapagal Arroyo nia sa dakbayan sa Sugbo karon alang sa pagpahigayon sa public hearing sa pagpalapad sa Strong Republic Nautical Highway (SRNH).
Ang public hearing ipahigayon sa Cebu Port Authority (CPA) karong alas 11:00 sa buntag, Pebrero 18.
Ang House Committee on Transportation ubos ni Kong. Cesar Sarmiento buot mopalapad sa NRNH.
Si CPA General Manager Angelo Verdan nagkanayon nga dunay plano nga ablihan ang duha rota sa roll-on/roll-off system.
Si Presidente Rodrigo Duterte niila sa importanteng natabang sa SRNH sa mas barato ug paspas nga rota sa pagdala sa mga produkto sa Mindanao, Kabisay-an ug Luzon ug balik agi sa SRNH nga gipatuman sa administrasyon ni Arroyo isip presidente sa nasod. (SunStar Cebu)