SECTIONS
Sunday, July 21, 2019
SUPERBALITA CEBU

Bag-ong hari sa hinansakay

DIALLO, THE KING: Human layati ni Hamidou Diallo sa Oklahoma City Thunder si Shaquille O’Neal, nakahimo pa gyud kini sa paghansak nga ilakip ang iyang siko sa pagsulod sa ring atol sa NBA Slam Dunk completition sa Charlotte, NC nga maoy usa sa nakapahugyaw sa misak sa tinuig nga kompetisyon. (AP)

GIGAMIT ni Oklahoma City Thunder rookie Hamidou Diallo sila si basketball legend 7’1” Shaquille O’Neal ug rapper Quavo aron dag-on ang NBA Slam Dunk Contest kagahapon didto sa Charlotte.

Sa usa sa iyang duha ka mga hansak sa elimination round, gilayatan ni Diallo ang nagtindog nga si O’Neal dayong hansak sa bola unya ang nakalisod pa, milapas hangtod sa siko ang iyang paghansak.

Nakakuha si Diallo og perpektong 50 puntos sa maong hansak ug nakahatag kini kaniya og kinatibuk-ang 98 puntos nga maoy nagtukmod kaniya sa final round diin iyang kaparang si Dennis Smith Jr. sa New York Knicks.

Natagak gikan sa elimination round mao sila si Miles Bridges sa Charlotte Hornets ug John Collins sa Atlanta Hawks.

“Atmosphere was great,” matod ni Diallo. “I just came out and gave the crowd what they were looking for.”

Sa final round, si Smith napakyas pagpasulod sa bola sa iyang mga hansak hinungdan nga nakuha niya ang labing gamay nga puntos nga 35 samtang si Diallo nakabaton og 43 puntos.

Sa ikaduha ug katapusan niyang hansak sa final round, nakabawi si Smith dihang nakakuha siya og perpektong 50 puntos human niya gilayatan ang nagtindog nga si Dywane Wade unya gidawat niya ang bola gikan sa pasa ni Stephen Curry dayong hansak niini.

Adunay kinatibuk-ang 85 puntos si Smith sa final round. Nagpasabot kini nga nagkinahanglan lang og 43 puntos si Diallo sa katapusan niyang hansak aron angkunon ang titulo.

Sa katapusan, gilayatan ni Diallo ang naglingkod nga si rapper Quayo unya iyang gipunit ang bola gikan sa ulo ni Quayo dayong hansak sa bola.

Nakabaton si Diallo og 45 puntos ning maong hansak nga sobra pa sa iyang gikinahanglan aron ibulsa ang kalampusan.

“I was a little nervous,” dugang Diallo.

Sa Three-Point Shootout, gilupig ni Joe Harris sa Brooklyn Nets ang 2-time Mvp nga si Stephen Curry sa Golden State Warriors.

Sa final round, adunay higayon nga nakapasulod og 12 ka sunodsunod nga tres si Harris aron pagtigom og 26 puntos nga nipukan sa 24 puntos ni Curry ug 19 puntos ni Buddy Hield sa Sacramento Kings.

Sa first round, nipatigbabaw si Curry human siya nakapupo og 27 sa posibleng 34 puntos, nagsunod si Hield (26) unya nagsunod si Harris (25). Miabot sa 10 ka mga magduduwa ang nagtigi sa 1st round.

Sa laing bahin, si Jayson Tatum sa Boston Celtics maoy midaog sa skills competition. (AP, ESL)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph