NAG-UNANG bituon sa umaabot nga teleserye nga ‘Sahaya’ sa Kapuso Network, diin gibidahan sa lig-ong loveteam nila ni Bianca Umali ug Miguel Tanfelix (BiGuel) uban ni Migo Adecer, nilingaw sa mga Kapusong Sugbuanon sa ilang post-Valentine’s Day show sa Robinsons Galleria Cebu niadtong Sabado, alas 4:00 sa hapon, Pebrero 16.
Sa samang higayon, gipahigayon sa samang dapit ang audition sa Kabisay-an sa laing season sa reality talent search sa GMA 7 nga StarStruct. Dream. Believe. Survive.
Ang gipaabot nga BiGuel tandem sa ‘Sahaya’ mohatag og kinabuhi sa makapadasig nga istorya sa usa batan-ong babaye nga Badjao nga nagmalampuson taliwala sa daghang pagsuway.
Usa ka paghulagway sa pakigbisog sa usa ka babaye sa ilang katungod ug ang kahimtang sa tribu nga mahigugmaon sa pagpuyo sa kadagatan, lakip sa iyang kasinatian sa gugma sa dalaga.
Ang StarStruck Season 6 Ultimate Male Survivor Migo Adecer maoy mokompleto sa love triangle.
Si GMA RTV Vice President ug Head Oliver Amoroso nagkanayuon, “We, at RTV, are aware that their fans have been clamoring for BiGuel’s return to the small screen. As one of the most sought-after love teams of their generation, Bianca Umali and Miguel Tanfelix have already proven that they are the next stars to look up to...”
Sa pagkakaron, walay pa gibutyag sa network kon kanus-a kini magsugod samtang nagpadayon ang ilang shooting sa Metro Manila ug maanindot nga kadagatan sa Batangas.
“Dahil sa peace and order condition sa Jolo, hind kami nakapag-immerse sa Badjao community doon. Sa Batangas naman, may ginawa na replica na community sa mga Badjao. Meron naman kaming consultant para ma-coach kami at maging makatutohanan ang pag-portray ng tribe..,” pagpasabot ni Bianca dihang gikahiabi sa Cebu entertainment press.
Si Bianca niingon nga dako ang hagit niya human kini ang unang pagbida niya sa usa ka teleserye ug daghang esena sa pagsalom sa dagat. (RRM)