Peace covenant gipirmahan sa BOPK, Barug

Election 2019
Election 2019

PIPILA ka mga kandidato sa Siyudad sa Sugbo ug mga indibidwal ningtambong sa peace covenant signing sa Cebu City Police Office alang sa malinawon, limpyo ug hapsay nga piniliay sa Mayo 13.

Nagtagbo karong adlawa ang duha ka mga magkaatbang nga partido sa Syudad sa Sugbo sa Cebu City Police Office headquarters alang sa pagpirma sa peace covenant.

Wa motambong si Cebu City Mayor Tomas Osmeña, apan nipasabot ang iyang mga kaalyado nga aduna siyay importante nga gitambongan uban si House Speaker Gloria Macapagal Arroyo.

Nipasalamat si Cebu City Police Director Royina Garma sa pagsanong sa mga kandidato.

Siya nanghinaot nga makatabang kini sa pagpatunhay sa kahusay ug kalinaw sa umaabot nga piniliay.

Si Konsehal Mary Ann de los Santos, kinsa magpapili sa pagka bise mayor, nisaad nga ilang suportahan ang covenant sanglit susama sila og tumong nga makab-ot.

Wa siya mabalaka nga mahitabo dinhi ang kagubot sama sa ubang bahin sa nasud panahon sa eleksyon.

Matod niya kanunay malinawon ang piniliay sa dakbayan.

“In behalf on Mayor Tommy Osmeña and the BOPK party, we are committed to support clean, peaceful orderly and honest elections. That’s the very reason why we are here because we are supporting the covenant signing,” matod ni de los Santos.

Gidasunan usab kini ni Bise Mayor Edgardo Labella, kandidato pagka mayor sa Barug Team Rama.

Wa mopakita si kanhi Cebu City mayor Michael Rama nga magpapili pagka bise mayor.

Ang Siyudad sa Sugbo nabutang sa orange category diin nagpasabot nga init ang panagribal sa pulitika.

Masaligon si Garma nga sa magkaduol na ang eleksyon, ipaubos na kini sa Police Regional Office 7 (PRO) 7 sa normal.

“I consider it very successful although we were not able to get a 100 percent attendance of all candidates. But I think mga around 60 percent participated and likewise yung mga stakeholders nato and religious sector. I hope na yung perma nila ay hindi lang hanggang pirma kun di they will really commit themselves para maging peaceful, orderly honest ang atong election,” nagkanayon si Garma.

Lakip sa nanambong sila si Kongresista Raul del Mar, Barangay Kapitan Niña Mabatid, Konsehal Dave Tumulak, Lea Japson, Sisinio Andales, Richard Yap ug Ramil Ayuman.

Gidasig usab ni Regional Police Director Debold Sinas ang ubang city ug provincial police office nga molusad ug mga peace covenant sama gipanghimo sa ubang mga police office.

Nitambong usab ang mga opisyal sa Central Command (Centcom) ug religious leaders sa syudad sa Sugbo.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph