DEAR Papa Joe,

Maayong adlaw diha kanimo, Papa Joe. I am one of your avid readers. Anyway tawga lang ko sa ngalan nga Miss Scared,19. Nia ko sa Australia karon, Papa Joe, kay gi sponsoran lagi ko sa akong auntie og tourist visa. Then naa koy uyab diha sa Pilipinas nag one year kapin na among relasyon. Sukad pag-abot nako diri, Papa Joe, sige pa mi ato og contact through chat and text.

Pag-abot og three months, Papa Joe, nakakita ko og Australiano nga nagpangidaron og 35. Unya hangtod karon nagsige mi og communicate aning akong Australiano.

For updates from around the country, follow Sun.Star on Twitter

Hangtod nga nalimot na ko sa akong uyab dinha. Ang akong problema, Papa Joe, nisaad man gud ko sa akong uyab diha nga unyag uli nako magminyo mi. Unya karon wa na man koy gusto niya sukad nakakita na ko og taga diri. Love man sad nako siya.

Ang akong gikahadlokan kay sige ra ba diay kuno og ihap sa mga buwan ug adlaw nga hapit na daw ko mouli ingon akong mama kay manawag manko unya mokuyog manpod ang taga diri nganha sa Pilipinas mao nga mahadlok ko og dumtan ko.

Apan ako na hinuon tong giingnan ang taga dinha nga di mi maglaom sa usag usa.

Unsa man akong buhaton, Papa Joe, para dili na lang to magpaabot akong uyab sa Pilipinas unyag uli nako? Manghinaot ko, Papa Joe, nga matambagan ko nimo sa akong problema karon kay hapit na ra ba ko mopauli sa Pilipinas. Daghan kaayong salamat.

MS. SCARED

Miss Scared,

Maayong adlaw kanimo. Tinuod sakit kaayo na sa part sa lalakeng Pinoy diri. Dili lalim nga maghandom sa saad. Wala sad ta kahibawo unsay dagan sa iyang utok ug kon dumtan ba ka or dili naa ra gyud na niya. Depende unsaon niya pagdawat sa sitwasyon.

Honestly dili ko katambag nimo og bulawanon kay naluoy ko sa Pinoy nga imong gisaaran no? Apan ako mang trabaho ang pagtambag, akong ikasulti nimo nga ayaw itugon sa mga tawo ang pagpahibawo niya nga di nalang maglaom. Ikaw unta ta to mismo ang mosulti niya. Paet man gud kay gibaylo nimo ang imong relasyon sa makadiyot nga panahon nga nahimamat nimo ang foreigner.

Ang mga tawo nga makadungog sa imong gibuhat makaingon gyud nga naay oportunidad nga gibaylo nimo sa relasyon diri. Tourist ra gud ka, maybe nakakita ka og oportuninad diha nga sa gamay nga panahon nawa imong gugma. Pasabta imong uyab, Day, nga mao niy desisyon nimo. Sakit man ang kamatuoran apan at least ni pranka ka. Ug unsa may outcome ana, andam gyud ka nga mobarog kay di na nimo mabuhat if wala sad na nimo hunahunaa og makadaghan, di ba?

Daghan kaayong salamat.

PAPA JOE