ARON pagprobar nga ang ilang mga kaatbang sa politika nanglimbong, si Cebu City Mayor Tomas Osmeña nipakita sa mga tigbalita kagahapon sa upat ka mga korte sa basketball diin ang ilang mga board gipangtangtang sa ilang mga kaatbang ug gipulihan sa ilang kaugalingon nga mga board.
Apan, si Kugi Uswag Sugbo (Kusug) councilorial bet Joel Garganera nihulagway niini nga “politically motivated ug inimbento ni Tomas.”
Ang mga homeowner sa duha ka mga sityo sa Barangay Lahug nangangkon nga gihulga ug gi-harass sila ni Lahug Barangay Kapitan Mary Ann delos Santos dihang gisuwayan nila sa pagbalik og butang ang mga board nga gi-donate ni Osmeña ginamit ang iyang kaugalingong kwarta.
Ang presidente sa homeowners’ association namahayag nga daw sa gi-terrorize sila dihang si Delos Santos nipaadto sa iyang 20 ka mga barangay tanod sa ilang dapit.
Si Ricky Sanchez, lumolupyo sa Sitio Lower Banica, nitug-an nga ang kapitan nimando sa pagtangtang sa gibutang nga basketball boards ni Osmeña niadtong sayong bahin sa Enero.
Dihang gibalik pagbutang ni Sanchez ang basketball board sa mayor, giingong si Delos Santos nipadalag mga pulis ug tanod ug niadto mismo.
Sa Sitio Upper Banica, ang mga homeowner nipahibawo nga si Delos Santos di mosugot nga ilang ibalik og butang ang basketball board ni Osmeña.
“You’ve already seen the situation yourself, which has been going on for a long time. I just wanted to prove to you that they are masters of deception and propaganda..”matod ni Osmeña.
Si Garganera niingon nga wa gitangtang ni de los Santos ang board.
“Dugay na kaayo na ang board diha. Ilisan man gyud nang tanang boards sa Lahug kon dilapidated,” pasabot ni Garganera.
Sa pasangil sa usa ka residente, si Garganera niingon nga “ kon imo nang tan-awon, mga tila na sa Siyudad.”Matod niya nga karon na lang nagtagad ang City Hall niini kay eleksyon.
“Karon na man na sila namugos sa ilang board,” dugang niya. (SUN.STAR/REV)