NAG-WILD ang usa ka anak ug gikulata niini ang iyang inahan gumikan kulang ang napalit nga lamas sa iyang lutuon.
Niadtong Dominggo, Pebrero 17, daling midangop sa Sta. Ana Police Station ang usa ka inahan nga si Elsa (bansagon gitago), 59, nagpuyo sa Sto. Niño, Barangay Leon Garcia, Agdao District Davao City, gumikan sa kalisang.
Gisaysay ni Elsa sa kapulisan nga gikulata ug gihulga siya nga patyon sa iyang anak nga si alyas Maribel.
Nasayran nga nanglabay pa og mga gamit sulod sa ilang panimalay si Maribel diin kini nakahatag og kahadlok sa inahan.
Ang kapulisan sa Sta. Ana Philippine National Police miabiso ngadto sa inahan nga ipasaka ang reklamo didto sa ilang barangay aron didto una sila husayon. (RFN)