KASAMTANGAN gipanindot ang Kapitolyo Probinsyal karong panahona.
Gibutyag ni Misamis Oriental Governor Yevgeny Vincente Emano nga gipangtangtang ang glass door sa building kay kaniadto sa niaging administrasyon gasige lang kini balik balikan og pintal ug ang resulta dili na masirado ang mga bintana.
“Karon gitinoud nato pagtul-id. Hopefully we will be able to put the sliding windows ug pinaagi ana masirado na ang kapitolyo probinsyal,” matud ni Emano.
Laraw niini nga kung masirado na kini sa hingpit butangan kini og aircon aron dili mainitan ang mga empleyado lakip ang mga mobisita atol sa people’s day matag adlawng Lunes.
“We might be able to have an air condition lobby dinhi sa kapitolyo probinsyal para komportable ang atong mga domudoung nga nanginahanglan sa tabang,” matud niini.
Giklaro usab niini nga magpabilin ang hugot nga seguridad sa palibot sa kapitolyo tungod nagtou siya nga dili gakumpiyansa iyang mga sakop sa costudial force nga maoy gitahasan nga magbantay sa palibot sa sulod ug gawas sa kapitolyo probinsyal.
Laumang dili pa matapos ang bulan sa Marso matibawas na ang pagtrabaho niini nga karon kamulo na gitrabaho.
Sa bulan sa Abril gitakda sab nga itunol ang Provincial Tourism Office nga makita diha taliwala sa hawanan sa kapitolyo. (SVB)