1 NPA patay sa engkwentro

TAGAAN sa kasundalohan og pormal nga lubong ang patayng lawas sa usa ka sakop sa New People’s Army (NPA) nga namatay sa engkwentro niadtong Lunes, Pebrero 18 sa Lantapan, Bukidnon.

Gibutyag ni Capt. Ryan Layug, kinsa spokesperson sa 403rd Brigade, nga miabot lang ngadto sa lima ngadto sa napulo ka minutos ang pagsinukliay sa bala nga miresulta sa pagkakalas sa kinabuhi sa NPA.

Wala pay identipikasyon sa biktima apan bout nilang makigkoordinar niadtong rebel returnee aron maoy mag-ila niini.

Kung ugaling dili kini ma-claim sa ilang pamilya ang kasundalohan uban sa koordinasyon sa local nga kagamhanan sa Lantapan maoy magpahiluna sa patayng lawas ug hatagan kini og pormal nga lubong.

Matud ni Layug nga nahitabo ang engkwentro dihang nagpadayon ang pag-alerto sa kasundalohan human sa bag-o lang nga pagpangatake sa patrol base sa Barangay Dalwangan sa Malaybalay City.

Atol sa sinukliay sa bala dihang mi-withdraw ang kampo sa NPA nabiyaan ang tulo ka sako nga bugas ug pipila ka mga importante nga dokumento nga gitouhang gihimo nilang hide-out ang dapit. (SVB)