GITAWAG nga peke ni Jose Gabriel ‘Pompee’ La Viña ang pagka-mayor ni Mayor Oscar Moreno human nibutyag ang kampo niini nga naglaom na sila og daghang mga pekeng balita nga ipakatag sa kaatbang.
Una na nga gibutyag sa kampo ni Moreno pinaagi kang Teodoro Sabuga-a Jr., ang city administrator, nga naglaom na sila og mas grabe pa nga mga pekeng balita o mga pagpangdaot gikan sa kampo ni La Viña.
Kini gitubag ni La Viña nga dili peke ang mga pahayag niini ilabi na na duna kini mga basehan sama na lamang sa tulo ka mga kaso niini nga plunder diin makita bisan unsa nga oras sa buhatan sa Ombudsman, pag-withdraw niini sa mokabat P179 milyones diin kini matud mismo ang nagpirma sa tseke lakip na usab ang overpricing sa mga gipangpatukod nga mga tunghaan.
“Dili fake news ang tulo ka plunder cases kay naa siya sa Ombudsman pwedi na tan-awon anytime, dili fake news ang pag withdraw niya sa P179 million para sa iyang kaugalingon kay duna’y voucher ana nga sya mismo nagprima og si Ellot ug siya pud nagpirma sa cheque,” matud ni La Viña.
Gidugang pa niini nga ang labing peke mao nga ang pagkamayor niini sa siyudad labi na ang mga achievements o kalamposan niini gumikan kay dili kini iya kundili sa mga National Agencies sama sa Department of Agriculture.
“Biggest fake news of all is that Moreno is even mayor of Cagayan de Oro because he is already been disqualified and dismissed,” matud ni La Viña. (KCS)